คำไหว้ปารมี ๙ จั้น ของท่านครูบาศรีวิชัย

อานิสงส์การสวด : คำไหว้ป๋าระมี ๙ จั้น เป๋นของครูบาศรีวิชัย เอาไว้ไหว้ทุกวันป้องกันภัยอัตรายต่าง ๆ ใจ้ไหว้ ในวัด ใจ้ไหว้ในบ้าน ไปป่าดงหรือไป ต่างบ้านต่างมือง และใจ้ในสงคราม มีผู้บอกว่าศักสิทธิ์ดีแต้

**********************************************

คำไหว้ ปารมี ๙ จั้น ของครูบาเจ้าศรีวิชัย

สาตุ๊ สาตุ๊ พระปั๋ญญาป๋าระมี ๓๐ ตั๊ด
สาตุ พระปั๋ญญาป๋าระมีวัดแวดล้อม วิริยะป๋าระมีอ้อมระวังดี
สีลป๋าระมีบังหอกดาบ เมตตาป๋าระมีปาบแป๊ตังปื๋น ตานป๋าระมีหื้อ
เป๋นผืนตั้งต่อ อุเบกขาป๋าระมีหื้อก่อเป๋นเวียง สัจจะป๋าระมี
แวดระวังดีเป๋นไม้ใต้ ขันติป๋าระมีก๋ายเป๋นหอกดาบบังหน้าไม้
และปื๋นไฟ อธิษฐานป๋าระมีผันดาบไปทุกแห่ง แข็ง ๆ แฮง ๆ ปราบ
ฝูงหมู่มารผีสางพรายเปรต ทุกตวี๊ปพบถีบปั้งป่ายหนี นางธรณี
อัสสะจั๋น โสเสมือนผันอยู่ข้าง ๆ น้ำนทีนองกว้างต่อกว้าง
แตกตีฟอง นะนองนะเนือกเป๋นข้าวตอกดอกไม้ ถวายปู๋จา
พระแก้วแก่นไท้สะทัน พระพุทธังจุ่งมาผายโผด อนุญาต
ต๋นโผดผู้ข้าแต๊ดีหลี แม่ธรณีออกมารีดผมอยู่ตี่ธาตุ
จ้างฮ้ายคายคะจังงาสับดิน พ่นน้ำนทีลงผัดผายคอพรายหักต๊บต๊าว
พระยามารอ๊าว ๆ ปู๋นกลั๋ว กราบยอมือขึ้นทูนหัวใส่เกล้า ผู้ข้านี้
ได้จื่อว่าลูกศิษย์พระพุทธเจ้า มีบุญสมปานอันมากนัก พระพุทธเจ้า
จึ่งจักตั้งปั๋ญญาป๋าระมีไว้ ๙ จั้น ตั้งไว้ตั้งหน้าก็ได้ ๙ จั้น ตั้งไว้ตั้งหลัง
ก็ได้ ๙ จั้น ตั้งแต่หัวถึงตี๋นก็ได้ ๙ จั้น ตั้งแต่ตี๋นถึงหัวก็ได้ ๙ จั้น แสนวา
ลูกปื๋นจักมาเสมอเหมือนฝนแสนห่าก็บ่จักมาใกล้ได้ ข้าเจ้าเลย
ได้ว่า พุทธะคุณัง ธัมมะคุณัง สังฆะคุณัง พุทธะอินต๋า ธัมมะอินต๋า
สังฆะอินต๋า อัสสะจั๋นแม่พระธรณีผู้อยู่เหนือน้ำ ผู้อยู่ก้ำแผ่นดิน
กันข้าได้ระลึกกึ๊ดถึงคุณพระปิต๋า คุณพระมารดา คุณครูบาอาจ๋าน
คุณพระแก้วตังสามประก๋าน คือ คุณพระพุทธ คุณพระธรรม
คุณพระสงฆ์ และคุณแดด คุณฝน คุณลม คุณกุสราชเจ้าก็ดี
คุณพรุะต๋นภาวนาก็ดี คุณนางอุตตะราก็ดี คุณพระปัจเจกเจ้าก็ดี
คุณแม่พระธรณีเจ้าก็ดี จุ่งมาฮักสาตังก๊ำหน้า และก๊ำหลังต๋นตั๋ว
แห่งข้าพเจ้าในคืนวันนี้ยามนี้จิ่มแต๊เต๊อะ พุทโธพุทธังฮักสา
ธัมโมธัมมังฮักสา สังโฆสังฆังฮักสา พุทโธพุทธังอระหัง
ธัมโมธัมมังอะระหัง สังโฆสังฆังอะระหัง พุทโธพุทธังกั๋นหะ
ธัมโมธัมมังกั๋นหะ สังโฆสังฆังกั๋นหะ อายุ วัณโณ สุขัง พะลัง
ภะวันตุเม นะสา ปาเส พุรุอะกัง ปริปัตตัง
ปริขัตตัง มะจุราชา นภาสติ